БИБЛИОТЕКАРСКО ДРУШТВО НА МАКЕДОНИЈА
 Македонски |
|
 English |
| Насловна |
| Активности |
| За нас |
| Списание „Библиотекарство“ |
| Натпревари „Млади библиотекари“ |
| Награда „Климентова повелба“ |
| Контакт |
| Линкови |
Сајтот е хостиран од:
Н О В О С Т И
03.05. 2010
37 ГОДИШНО И ИЗБОРНО СОБРАНИЕ НА БДМ
22.04. 2010
Комисијата за доделување на наградата Климентова повелба 2010 донесе предлог-одлука добитник да биде Благој Николов, библиотекар-советник при НУ-УБ Св. Климент Охридски - Битола, а ИО на БДМ ја прифати предлог-одлуката.
19.04. 2010
В среда, 21.04. 2010, ќе се состане Комисијата за доделување на наградата “Климентова повелба 2010“, во состав Вера Анастасова - библиотека “Искра“ - Кочани, Нада Георгиева - библиотека при МАНУ, Цветанка Илиевска - библиотека “Страшо Пинџур“ - Скопје, Вилма Јованова, библиотека “Гоце Делчев“ - Штип и Зорица Сотировска - Спировска - НУБ “Св. Климент Охридски“ - Скопје. Комисијата треба да го определи добитникот на годинашната награда, а неговото име ќе биде објавено на веб-страницата на БДМ веднаш по верификацијата од ИО на БДМ на седницата закажана за в четврток, 22.04. 2010.
18.04. 2010
Наскоро нов број на списанието “Библиотекарство“!
23.03.2010
Почитувани колеги, во денешниот број на весникот “Вечер“ е објавен конкурсот за наградата “Климентова повелба 2010“. Ве молиме вашите предлози доставете ни ги на адреса бул. Гоце Делчев бр. 6, 1000 Скопје, со назнака “За Комисијата за доделување на наградата Климентова повелба“, најдоцна до 15 април 2010 година. Условите за конкурирање се на веб-страницата на БДМ во делот Награда “Климентова побелба“.
22.03.2010Почитувани колеги, во тек е прибирањето на текстови за најновиот број на списанието “Библиотекарство“. Ве молиме вашите статии испраќајте му ги на д-р Николче Велјановски од НУ-УБ “Св. Климент Охридски“ - Битола. Исто така, придржувајте се кон правилата текстот да е напишан исклучиво со македонска поддршка, со фонт 12. Во спротивно, текстовите ќе мора да ги преработите. Ви благодариме за досегашната соработка.
21.01.2010
Денеска претседателот на БДМ, г. Кирил Ангелов, имаше средба со министерката за култура, г-ѓа Елизабета Канческа-Милевска, на која беше дискутирано за тековните активности на БДМ, како и за поднесените проекти за 2010 до Министерството за култура. Притоа, од нејзина страна наидовме на особено разбирање и на поддршка, за што од името на БДМ срдечно и се заблагодаруваме.
01.01. 2010
Почитувани колеги,
Новата 2010 нека ви донесе нови радости, многу здравје и личен успех, а претстојниот Божик нека ви подари љубов и добра мисла!
18.12. 2009
Библиотекарското друштво на Македонија го одбележа својот јубилеј - 60 години од неговото формирање. На свечениот собир се обратија г. Кирил Ангелов, претседател на БДМ, г. Миле Бошески, директор на НУБ “Св. Климент Охридски“ - Скопје, а им беа доделени и признанија на истакнати и долгогодишни библиотечни работници. На крајот беше организиран и свечен коктел.
14.12. 2009
Почитувани колеги, на 17.12. 2009 година (четврток), Библиотекарското друштво ќе го одбележи својот јубилеј по повод 60 години од неговото формирање. Свеченоста ќе биде одржана во НУБ “Св. Климент Охридски“ - Скопје, со почеток во 11 часот. Срдечно ве покануваме!
09.11. 2009
На 06.11. 2009 година во Велес беше одржан јубилејниот 10-ти натпревар “Млади библиотекари“. Ни претставува особено задоволство што овој исклучително значаен настан за библиотечна едукација на учениците од основните училишта продолжува да опстојува еве веќе десетта година. Исто така, им благодариме на библиотеките што ги организираа општинските натпревари, на учениците-учесници, како и на нивните ментори. Особена благодарност и изразуваме на г-ѓа Елена Тевчева, директор на библиотеката “ Гоце Делчев“ од Велес и секретар на БДМ за одличната организација и срдечното гостопримство. За учениците БДМ обезбеди книги и благодарници, за менторите благодарници, за првите три места дипломи и пригодни подароци. Победник на натпреварот е ученичката Емилија Недановска, претставник на НУ-УБ “Св. Климент Охридски“ - Битгола.
15.09. 2009
Почитувани колеги, во тек е прибирањето текстови за новиот број на списанието “Библиотекарство“. Ве молиме, испраќајте ни ги вашите текстови на електронската пошта bdm@bdm.org.mk или на дискета на адреса бул. Гоце Делчев бр. 6, 1000 Скопје со назнака “За списанието Библиотекарство“. Ве молиме, придржувајте се до следниве правила: текстот да не биде подолг од четири страници - А4 формат и да биде пишуван со фонт MAC C Swiss.
04.09. 2009
Извршниот одбор на БДМ реши годинашниот 10-ти натпревар “Млади библиотекари“ да биде одржан во Велес на 06.11. 2009 година, со почеток во 11 часот. По тој повод до сите библиотеки е испратено писмо со условите за учество на овој натпревар, како и со други потребни информации.
28.08. 2009
Во Милано беше одржана 75-тата Конференција на IFLA, на која присуствуваше и група претставници на Република Македонија.
25.05.2009
Денес, 25.05.2009 г., г. Кирил Ангелов, претседател на БДМ, беше гостин во емисијата Боите на Македонија на Македонското радио, при што со новинарката, г-ѓа Јелена Стаменковиќ, беше разговарано за повеќе актуелни теми од областа на библиотекарството.
24.05. 2009
Библиотекарското друштво на Македонија доби благодарница по повод отворањето на новата зграда на НУБ “Св. Климент Охридски“ од истоимената библиотека поради соработката во овој проект од големо значење за македонското современо библиотекарство.
22.05. 2009
Во Радовиш беше одржано 36-тото Собрание на БДМ.
13.05.2009
Почитувани колеги, БДМ ве известува дека 36 Собрание ќе се одржи во Радовиш на 22 мај 2009 година со почеток во 11 часот. Во таа смисла, ве молиме вашето учество пријавете го кај секретарот на Друштвото, Елена Тевчева, на телефоните 070 375 373 и на 043 212 032, како и на електронската пошта tevcevaelena@yahoo.com. Го очекуваме вашето присуство!
повеќе
30.04.2009
Во рамките на БДМ, беше обновена секцијата на специјалните и библиотеките при високобразовните институции, чиј претседател е г-ѓа Наде Георгиева, раководител на библиотеката при МАНУ, а членови г-ѓа Ленче Даневска, раководител на Централната медицинска библиотека, како и г-ѓа Милена Бојаџиска, библиотекар на Технолошко-металуршкиот факултет во Скопје. На оваа иницијална средба беа разгледани повеќе проблеми со кои се соочуваат библиотеките од овој тип, како и идеи за надминување на некои тековни состојби.
27.04.2009
Во организација на БДМ, децата од градинката “Калинка“ од Скопје беа во посета на библиотеката “Другарче“ - Скопје, при што се запознаа со работењето на библиотеката и станаа нејзини членови
повеќе
26.04.2009
На 22 мај 2009 (петок) со почеток во 11 часот во Радовиш ќе биде одржано 36-тото Собрание на БДМ. За програмата и за други детали ќе бидете навремено известени.
23.04.2009
Во НУБ “Св. Климент Охридски“ - Скопје беше одбележан Денот на книгата и на авторското право, при што беа прочитани повеќе пораки, а на посетителите им беа подарени книга и цвет.
10.04.2009
Во НУ - библиотека “Кочо Рацин“ - Тетово беше одржан состанок на Извршниот одбор на БДМ, на кој беа разгледувани тековните активности и беше донесена одлука за одржување на 36-тото Собрание на БДМ во Радовиш кон крајот на следниот месец
повеќе
04.04.2009
Наскоро нов број на списанието “Библиотекарство“
04.04.2009
На 10.04.2009 година Извршниот одбор на БДМ ќе одржи состанок во библиотеката “Кочо Рацин“, Тетово, со почеток во 11 часот
27.02.2009
На иницијатива на г-ѓа Ана Митева, наставник од Локарно-Тичино, Швајцарија, БДМ прифати соработка со цел отворање катче на македонски јазик во тамошната кантонална библиотека, но и во одредени училишта во Локарно. За таа цел БДМ ќе подари одреден број книги на споменатата библиотека.
27.02.2009
Посетата на НУ-библиотека “Григор Прличев“ од Охрид се одложува за во иднина од причина што во моментот нема конкретно решение и поддршка за проблемот што го има таа. БДМ останува на заложбите да се најде решение за споменатото прашање.
20.02.2008
Почитувани колеги, ве замолуваме сите вие што испративте текстови за најновиот број на списанието “Библиотекарство“, да доставите и кратко резиме на македонски и на англиски јазик во врска со нив на електронска пошта bdm@bdm.org.mk
18.02.2009
Комисија составена од претставници на БДМ, на НУБ “Св. Климент Охридски“-Скопје и на Министерството за култура, на 27.02.2009 година ќе ја посетат НУ-библиотека “Григор Прличев“ од Охрид заради утврдување на состојбата и условите во кои се наоѓа таа
20.02.2009
На 27.02.2009 комисија составена од претставници на БДМ, на НУБ “Св. Климент Охридски“-Скопје и на Министерството за култура ќе ја посети НУ-библиотеката “Григор Прличев“ од Охрид заради утврдување на состојбата и условите за работа во кои се наоѓа таа
20.02.2009
Почитувани колеги, ве замолуваме вие што доставивте текстови за списанието “Библиотекарство“, да доставите и кратко резиме на македонски и на англиски јазик во прилог на статијата
16.02.2009
Одржан е состанок со претставници на USAID во врска со идеен проект на БДМ за автоматизација на училишните библиотеки. БДМ ќе конкурира со предлог-проект до USAID што би се реализирал во 2010 година
05.02.2009
Во контакт со PROHELVETIA, договорено е кога ќе се затвори проектот на организацијата, книгите од швајцарски и македонски издавачи да бидат подарени на основно училиште од Република Македонија
16.01.2009
Почитувани колеги,со задоволство ве известуваме дека Министерството за култура ги вклучи речиси сите проекти на Библиотекарското друштво на Македонија во својата Годишна програма за остварување национален интерес во културата во 2009. Веруваме дека оваа поддршка ќе значи многу во развивањето на библиотечната дејност во нашата држава и се надеваме на уште поплодна соработка во иднина. На сите колеги и соработници што ја дадоа својата поддршка за оваа активност, најсрдечно им благодариме!
Со почит, претседател на БДМ, Кирил Ангелов
14.01.2009
Почитувани колеги, ве известуваме дека е во тек прибирањето на текстови за најновиот број на списанието “Библиотекарство“. Ве молиме испратете ни ги вашите текстови најдоцна до 25.01. 2009 година, на bdm@bdm.org.mk.
08.12.2008
Патронен празник на НУБ "Св. Климент Охридски"
27.11.2008
Директорот на НУБ “Св. Климент Охридски“, г. Миле Бошески - добитник на годинашната награда “Св. Климент Охридски“
21.11.2008
Деветти натпревар „Млади библиотекари“
Извршниот одбор на БДМ на својата седница одржана на 20.10.2008 година, донесе одлука деветтиот натпревар „Млади библиотекари“ да биде одржан во библиотеката „Искра“ во Кочани. Натпреварот ќе почне во 12 часот во просториите на библиотеката. Библиотеките ќе добијат писмена информација за правилата и условите за учество на натпреварот. На веб-страницата на БДМ во делот Натпревари „Млади библиотекари“ е достапен прирачникот за подготовка на кандидатите.
Срдечен поздрав,
Извршен одбор на БДМ
09.11.2008
Локална библиотека „Гоце Делчев„ - Велес
Во недела на 09.11.2008 година, свечено ќе биде предадена во употреба новата библиотека во Велес, која по реновирањето, е преселена во три пати поголеми, нови простории од 1000 квадратни метри, во која се сместени над 100000 примероци книги, медијатека, современа читална, детски и роднокраен оддел. Општина Велес ја отстапи на велешката библиотека зградата на поранешниот Пионерски дом.
31.05.2008
Триесет и петто годишно изборно собрание на БДМ
На 22.05.2008 и 23.05.2008 година во Битола се се одржа триесет и петтото годишно изборно собрание на Библиотекарското друштво на Македонија. Записникот од собранието можете да го добиете на повеќе.
09.05.2008
Наскоро триесет и петто годишно изборно собрание на БДМ
На 22.05.2008 и 23.05.2008 година во Битола ќе се одржи триесет и петтото годишно изборно собрание на Библиотекарското друштво на Македонија. Програмата можете да ја добиете на повеќе.
12.04.2008
КОНКУРС
Конкурс за доделување на Наградата Климентова повелба 2008 год.
На 12.04.2008 год. во "Вечер" е распишан Конкурс за доделување на Наградата "Климентова повелба" 2008 год. која се доделува на секои две години на изборните собранија. Пријавувањето трае до 29.04.2008 год.
Согласно Правилникот за доделување на Наградата "Климентова повелба", Библиотекарското друштво на Македонија односно Комисијата за доделување на наградата, распишува
Апел
БДМ ги повикува сите библиотеки во Р. Македонија да достават свои предлози и сугестии за измена и дополнување на законот за библиотеки
Записник од VIII репблички натпревар млади библиотекари
На 26.10.2007 година во просториите на Народната библиотека „Феткин“ - Кавадарци се одржа осмиот републички натпревар на членовите на секциите и клубовите Млади библиотекари при народните библиотеки на Република Македонија
На почетокот на Собранието збор зеде директорката на ЈОУ Градска библиотека „Борка Талески“- Прилеп Благица Илоска...
Извештај за работа за периодот Јуни 2006 год. - Декември 2007 год.
Организациски и финансиски прашања, Издавачка дејност
Извештај за работа за периодот Мај 2004 год. - Јуни 2006 год.
Проследувањето на ангажманот на Библиотекарсткото друштво на Македонија во одреден период едновремено е и временски преглед на реализацијата на целите заради кои е основана...
Записник од 33.редовно собрание
Врз основа на член 23, став 1, алинеја 2 од Статутот на Библиотекарското друштво на Македонија, а согласно одлуката на Извршниот одбор од 31.05.2006...
Собранието ќе се одржи на 15.06.2006 год. во Куманово, Дом на културата. Кон поканата на членовите на БДМ за учество, следи програмата за работа...
Доделена Наградата "Климентова повелба" 2006 год.
Како на единствен добитник, Наградата "Климентова повелба" 2006 год. им е доделена на...
14.04.2006
Конкурс за доделување на наградата Климентова повелба 2006 год.
На 14.04.2006 год. во "Дневник" е распишан Конкурс за доделување на Наградата "Климентова повелба" 2006 год. која се доделува на секои две години на изборните собранија. Пријавувањето трае до 29.04.2006 год...
14.04.2006
Наскоро Изборно собрание на БДМ
Кон крајот на месец мај о.г. (евентуално, почетокот на јуни) ќе се одржи Изборно собрание на БДМ...
|
|||
.JPG){kind=link}